ಹಾಸ್ಯಬರಹ - ಅಂಕಲ್ ನ ಸ್ಪೀಚು




ರಾಜ್ಯಶಾಸ್ತ್ರ ವಿಭಾಗ ಎಂಬ ಪಿಚ್ಚು,
ಅಲ್ಲಿ ಅಂಕಲ್ ನ ಸ್ಪೀಚು
ನಿರಂತರ ಕೋಚು
ನಾನ್ ಸ್ಟಾಪ್ ವಾಚು
ಮಾತೆಂಬ ಬ್ಯಾಟಿಂಗ್ ನಿಂದ ಅದು ನುಚ್ಚು
ವಿಷಯದಲ್ಲಿರಲಿಲ್ಲ ಒಂದಕ್ಕೊಂದು ಮ್ಯಾಚು
ಆಫ್ ಆಯ್ತು ಮೈಂಡ್ ಸ್ವಿಚ್
ಹಿಡಿತ ತಪ್ಪಿತು ದೇಹದ ಕ್ಲಚ್ಚು
ಕೊಠಡಿ ತಾಪವೂ ಹೆಚ್ಚು
ಧಗೆಯಲ್ಲಿ ಹೊತ್ತಿಸಿದಂತಿತ್ತು ದೇಹಕ್ಕೆ ಕಿಚ್ಚು
ಹತ್ತುತ್ತಿತ್ತು ನಿಧಾನವಾಗಿ ಹುಚ್ಚು
ಹಸಿವಿನಿಂದ ಹಿಡಿಯಿತು ಹೊಟ್ಟೆ ಕಚ್ಚು
ಅನಿಸಿತ್ತು ಯಾರನ್ನಾದರೂ ಹಿಡಿದು ಕೊಚ್ಚು
ಅಂಕಲ್ ಹಾಕುತ್ತಿದ್ದದ್ದು ಬ್ಲೇಡಲ್ಲ... ಮಚ್ಚು
ಕೊನೆಗೂ ತಿಳಿಯಲಿಲ್ಲ ಅವರಿಗೆ ನಮ್ಮ ಪೇಚು
ಎದ್ದು ಓಡಲು ಸಾಲಲಿಲ್ಲ ಕೆಚ್ಚು
ನಮ್ಮ ಸ್ಥಿತಿ ದೇವರಿಗೇ ಮೆಚ್ಚು
ಮನ ಹೇಳಿತು ಏನಾದರೊಂದು ಗೀಚು
ಕೊನೆಗೂ ಮುಗಿಯಿತು ಅಂಕಲ್ ಸ್ಪೀಚು
ಹರುಷದಿ ಬೆಂಚನ್ನು ಚಚ್ಚೊ ಚಚ್ಚು.....!!

                                       - ರೂಪ ಮತ್ತು ಉಷಾಗಂಗೆ

Comments

Post a Comment

Popular posts from this blog

ಅನುವಾದಿತ ಕವನ - ಲಿಂಕನ್‌ರವರ ಪತ್ರ

Image
ತಮ್ಮ ಮಗನ ಶಾಲಾ ಮುಖ್ಯೋಪಾಧ್ಯಾಯರಿಗೆ ಅಮೇರಿಕದ ಅಧ್ಯಕ್ಷರಾಗಿದ್ದ ಅಬ್ರಹಾಂ ಲಿಂಕನ್ ‌ ರವರ ಬರೆದಿದ್ದರೆನ್ನಲಾದ ಪತ್ರ ಗೌರವನೀಯ ಗುರುಗಳೇ , ನನಗೆ ಗೊತ್ತು , ನನ್ನ ಮಗ ಇದನು ಕಲಿಯಬೇಕೆಂದು - ಎಲ್ಲರೂ ಸತ್ಯವಂತರಲ್ಲವೆಂದು , ಎಲ್ಲರೂ ಪ್ರಾಮಾಣಿಕರಲ್ಲವೆಂದು ; ಆದರೆ ಅವನಿಗಿದನೂ ಕಲಿಸಿಕೊಡಿ - ಪ್ರತಿ ಠಕ್ಕನಿಗೋರ್ವ ಧೀರನಿರುವನೆಂದು , ಪ್ರತಿ ಸ್ವಾರ್ಥ ರಾಜಕಾರಣಿಗೋರ್ವ ನಿಸ್ವಾರ್ಥ ನಾಯಕನಿರುವನೆಂದು . ನನಗೆ ಗೊತ್ತು , ಇದಕೆ ಹೆಚ್ಚು ಸಮಯ ಬೇಕೆಂದು , ಆದರೂ ಕಲಿಸಿ ಅವನಿಗೆ - ದುಡಿದೊಂದು ರೂಪಾಯಿ , ದೊರೆತ ಐದಕ್ಕಿಂತ ಮಿಗಿಲೆಂದು . ಕಲಿಸಿ ಅವನಿಗೆ ಸೋಲುವುದನು , ಜೊತೆಗೆ ಜಯದಲಿ ಸುಖಿಸುವುದನು . ಸಾಧ್ಯವಾದರೆ ಕಲಿಸಿ ಅವನಿಗೆ ದೂರವಿರಿಸಲು ಅಸೂಯೆಯನು . ಸಾಧ್ಯವಾದರೆ ಕಲಿಸಿ ಅವನಿಗೆ ಮಂದಹಾಸದ ಮಹತ್ವವನು . ಕಲಿಯಲತಿ ಬೇಗ - ಪೀಡಕರನು ಸದೆಬಡಿವುದು ಸುಲಭವೆಂಬುದನು . ತಿಳಿಸಿರಿ ಅವನಿಗೆ , ಪುಸ್ತಕಲೋಕದ ವಿಸ್ಮಯವನು ; ಜೊತೆಗೆ , ಅರಿಯಲು ಕೊಡಿ ಸಮಯವನು - ಬಾನಂಗಳದ ಹಕ್ಕಿಗಳನು , ಹಗಲಿನ ದುಂಬಿಗಳನು , ಹಸಿರು ಬೆಟ್ಟದ ಸುಮಗಳ ನಿತ್ಯನೂತನ ಮರ್ಮವನು . ಕಲಿಸಿರಿ ಅವನಿಗೆ ಶಾಲೆಯಲಿ ವಂಚನೆಗಿಂತ ಫೇಲಾಗುವುದೇ ಮೇಲೆಂದು . ಎಲ್ಲರೂ ತಪ್ಪೆಂದರೂ , ತನ್ನ ವಿಚಾರಗಳಲಿ ದೃ...
Read more

ಕವನ - ಹುತಾತ್ಮ ಭಗತ್ ಸಿಂಗ್

Image
ನೀನೆಂದರೆ ಬಿಸಿ ನೆತ್ತರ ಧಗೆಯು ನೀನಲ್ಲವೆ ಬಿರುಗಾಳಿಯ ವೇಗವು ನೀನಾದೆ ಬ್ರಿಟಿಷರಿಗೆ ಸಿಂಹಸ್ವಪ್ನವು ನೀನೇ ಯುವಬಲದ ಮೂಲಾರ್ಥವು . ಕಡೆಗಣಿಸಿ ನಿನ್ನವರ ಧುಮುಕಿದೆ ಸ್ವಾತಂತ್ರ್ಯವನ್ನರಸಿ ಕ್ಷಣಕ್ಷಣವು ಪರಿತಪಿಸಿದೆ ದೌರ್ಜನ್ಯವ ನೆನೆಸಿ ದಬ್ಬಾಳಿಕೆಯೆದುರು ಅಬ್ಬರಿಸಿ ಹೆಬ್ಬುಲಿಯಾದೆ ಯುವಶಕ್ತಿಯನೆಚ್ಚರಿಸಿ ನೀ ಅಮರನಾದೆ . ಅರ್ಥಪೂರ್ಣ ನೀನು ಬದುಕಿದ ರೀತಿ , ಅಮೂಲ್ಯ ನಿನ್ನ ದೇಶಪ್ರೀತಿ , ಅಮೋಘ ನಿನ್ನ ಸಾಹಸವೃತ್ತಿ , ಅಪರೂಪ ನಿನ್ನ ಮಾನವಪ್ರೀತಿ . ಆದರೆ , ಮರೆತೇಹೋಗಿದೆ ಮರೆಯಾಗಿಯೇ ಹೋಗಿದೆ ಆ ಬಲಿದಾನ , ಅಳಿಸಿ ಹೋಗಿದೆ ಅರಿವಿನಲ್ಲಿರದಾಗಿದೆ ಆ ರಕ್ತದಾನ , ಮತ್ತಿನಲ್ಲಿದೆ ಮಾದಕತೆಯಲ್ಲಿ ಮುಳುಗಿದೆ ಈ ಯುವಜನ . ಜಡವ ತೊಲಗಿಸಲಿ ಜನರಲ್ಲಿ ನಿನ್ನ ನೆನಪು ಭಯವೇ ಬೆದರೋಡಲಿ ನೆನೆದಾಗ ನಿನ್ನ ಬದುಕು ಉತ್ಸಾಹವನುಕ್ಕಿಸಲಿ ನಿನ್ನ ಉಕ್ಕಿನೋಕ್ತಿಗಳು ಆವೇಶವನ್ನೆಬ್ಬಿಸಲಿ ನಿನ್ನ ಘೋಷಗಳು .
Read more

ಚುಟುಕಗಳು -

ಚುಟುಕ - ೧ ದಟ್ಟಡವಿಯ ಮೌನ ಘೋರ ಝೇಂಕಾರ ಅಗಾಧ ಸಾಗರ ಮೌನ ಕ್ರೂರ ಸುಂದರ ಏರುಪರ್ವತದ ಮೌನ ಕಠೋರ ಗಂಭೀರ ಮೌನ ಕೋಮಲವೂ ಮೌನ ಕಾಠಿಣ್ಯವೂ ಚುಟುಕ - ೨ ನಿಸರ್ಗ ಸೌಂದರ್ಯಕೆ ನಾನು ಸದಾ ದಾಸ ಅದಕೆ ಪ್ರವಾಸ ನನ್ನ ಹವ್ಯಾಸ ಕಾಡು ಬೆಟ್ಟ ರೋಹಣಕೆ ಬಾಯಸುವೆನು ಮನಸಾ ಇದಕೆ ಇರಬೇಕು ಧೈರ್ಯಸಾಹಸ ಚುಟುಕ - ೩ ಹೊಂಗೆ ಹೂವ ಸುರಿಯುತಲೆ ಚಿಗುರು ತಂಪುನೀಡುತಿರೆ ಕಹಿ ಸಿಹಿಯೊಳಿಟ್ಟು ತಿನುವ ಕಲೆ ಬಾಳ ಗುಟ್ಟು ತಿಳಿ ಎನುತಲೆ ನಮಯುಗಾದಿ ನವಯುಗಾದಿ ಮತ್ತೆ ಮರಳಿ ಬಂದಿತಲೆ
Read more